Ladakh-a political party hruaitute chuan party dah thain state puitlinga hlan kai an phut thu an sawi a, Article 370 hnuaia chanvo ang neih ve an duh thu Jammu & Kashmir state hung bikna hlih champha kum hnihna a thlen dawnah an puang.
Leh leh Kargil district-ah hian BJP kaihhruai Leh Autonomous Hill Development Council pawhin Ladakh UT nih chu duh khawp lovin Jammu & Kashmir state an nih laia an neih ang, mi chengte tan Permanent Resident certificate siam an phut.
Tun tum hi Muslim tamna, Kargil leh Buddhist tamna, Leh-in thu khat an vuak vawi khatna a ni a. Leh Autonomous Counci chairman, BJP hruaitu, Tashi Gyaltson leh Kargil Autonomous Council Chairman Feroz Khan te chu Pathiannia an sawihonaah pawh an tel ve ve.
Hetih lai hian BJP rorelna, Leh Autonomous Hill Council chuan August 5, 2019-a sorkar laipuiin J&K hung bikna a hlih cham lo thleng tur chu an lawm dawn.
A kum hnihna a tlin hma lawkin Ladakh-a BJP hruaitute erawh chuan pawl dangte nen tangruala Ladakh state an nih theihna tur leh J&K-in hung bikna a nih laia chanvo tha bik an neih ang neih kha an phut ve thung.