- F. Vanlalrochana
HMASAWNNA KAWNGA MP TIHTUR LEH MAWHPHURHNA
Parliament chhunga a tihtur bakah, a constituency emaw, a state chhungah MP chuan hmasawnna lam hmalaknaah tih tur leh tih theih tam tak a nei a ni.
- MPLADS – MPLADS tih chu Member of Parliament Local Area Development Scheme (MPLADS), tihna a ni a, 1993 atang khan hman tan a ni a, MP tin hian ama bial chhungah hmasawnna lam atana hmalaknan kumtin Rs Vaibelchhe nga an dawng ziah thin a ni. He scheme hi Ministry of Statistics and Programme Implementation (MoSPI) in an enkawl a,MPLADS hnuaia hnathawh theih leh thawh tur te leh tihdanturte kaihhruaina an siam a ni. Heng MPLADS hnuaia fund te hi implementing Agency hrang hrang kaltlangin pek chhuah a ni thin. Nakinah chiang zawkin kan la sawi anga.
- TUALCHHUNG INRELBAWLNAA TEL VENA – Tualchhung sawrkar hrang hrang Panchayat leh municipality te hian a bulthuta hmasawnna atan hian hna pawimawh tak an thawk a. India danpui Bung IXA na chuan, Panchayat Samiti leh Zila Parishad-ah te MP tel vena tur chu State Legislature-in a ruahman ang tiin an dah a ni. Panchayat Samiti leh Zila Parishad tak hi chu Mizoramin kan nei ve lo.
India danpui Bung IXA na thoh hian MP chu a cosbtituency chhunga Municipal Sawrkarahte MP aiawhtu tel ve dan tur a siam ang tiin a sawi a. District Planning Committees (DPCs) chhungah pawh MP hi an tel ve tur a ni bawk.
- SAWRKAR SCHEME TE VILZUINA LEH THENFAINA – MP te hi an constituency chhunga CSS hrang hrang vilzuinaah mawhphurhna sang tak neitu an ni. Entirnan:- National Rural Drinking Water Programme (NRDWP) chuan District Water and Sanitation Missions (DWSMs) din hi a phut a, Chutah chuan MP chu member a ni.
DWSM Tui intur thianghlim kaihhnawiha project siam, endik leh pawm kawngah thuneihna a nei a, heng scheme te hi Tualchhung sawrkar(Block panchayat/Gram Panchayat) ten an siam thei a ni.
Tui leh invawnthianghlilmna lama department hrang hrang suihzawmtu a ni bawk.
National Rural Health Mission (NRHM) hnuaiah hian MP te hi District Level Vigilance and Monitoring Committees (DVMC)-ah member an ni a, he scheme kalpuina kawnga vilzui leh enkawlah mawhphurhna lian tak an nei tihna a nih chu.
Kan sawi takte bakah hian, MP te hian central leh state sawrkar hmalakna (Scheme) te chak leh zual a kalpui a nih theihna turin meizang hlaptu a ni thei a. Hetiang atan hian Central leh State sawrkara hnathawktute nena thawhhohna tha siam a, bial chhung mipuite nena inpawhna tha leh inkawmna tha neih tam a, an mamawh leh ngaimawh hriatsak te a tul,
Rorelnaa mipui aiawh tura a thlana thlan an nih avangin an constituency chhunga Private/corporate sector te chu a thuhnuaiah an awm na chen a awm a, industry lama hmasawnna tam tak a thlen thei a ni. Tunhmain MP tam takin an lo hmingthat pui tawh a, chutianga ti mek chu an awm nual bawk.
- MPLAD Scheme: MPLAD Scheme kha lo sawi chipchiar deuh ta ila. Sawi tawh angin, 1993 atanga hman tan a ni a. Ministry of Statistics and Programme Implementation hnuaiah a awm mek bawk. MP ten an bial chhunga hmasawnna hna an thawh theihna tura sum dahhran sak hi a ni ber mai.
He scheme hnuaiah hian hengte hi a tih theih:-
- Social Welfare
Taksa pianphunga harsatna tawkte tan tricycles, motorized/ battery operated wheelchair, artificial limbs te lei theih a ni a, hengte hi vantlang inkawm siamin a dawngtu turte hnenah hlan tur a ni.
He mi hnuaia tanpuina dawngtur hian dil angai a, Chief Medical Officer hnuaia Committee-in a endikin, a dawngtu tur a thlang thin ang.
- Health:
a) Ambulance/Ruang phurhna Motor a lei theih a, District Magistrate / Chief Medical Officer chu a neitu leh mawhphurtu a ni.
b) Ambulances / Lirthei- Wildlife Sanctuary/National park-a ramsa damlo/inhliam phurhna a lei theih. The Wildlife Sanctuary / National Park lirthei enkawlna leh neitu nihna mawhphurhna an chang.
- Education
a) Computers- sawrkar hnuaiah Training na atana hman tur computer, computer software te a lei theih.
b) Mobile Library- Central, State, Tualchhung sawrkar hnuaia Zirna Inte tana Mobile Libraray dinna atan a hman theih.
b) Furniture- Primary leh secondary School, sawrkar ta emaw, sawrkar puih (government aided) te tan Furniture Rs nuiah 50 man thleng a lei theih.
c) School, college leh public library te tana kumtin lehkhabu Rs nuiah 22 man thleng a lei theih.
d)School buse, van, etc leinan a hman theih.
- Infrastructure
a)Public buildings, government schools, government hospitals, shelter houses, heritage buildings tea sak belh ngai sakbelh (Retrofitting) atan a hman theih. Heritage In ho bikah hi chuan Archeological Survey of India phalna lak angai thung.
b) Rel atanga chhuk leh lawn awlsam zawkna tura Rel station sakna atan a hman theih.
c) Bar Associations In tur sakna atan a hman theih.
d) Vantlang hmuna Solar light dah nan.
e) Vantlang hmuna Bio-digesters dah nan.
d) Hmun pawimawh laia CCTV camera dahnan
e) Cooperative society te puihna atan
- Centrally Sponsored Schemes
a) CSS a Central share leh State share belhna atan
A bikin National Rural Employment Guarantee Scheme, Panchayat
Yuva Krida aur Khel Abhiyan, Sarva Shiksha Abhiyan, etc atan hian. SSA-ah te State Share pek theih loh avangin hlawh lak har tihte a awm fo thin a, MP fund kan tih mai hi a hman theih reng a ni.
SUM PEK DAN (FUNDING MECHANISM)
a) Ministry of Statistics and Programme Implementation hian kumkhatah tum hnih Rs 2.5 Crore ve vein arawn hlan ang.
First Installment an pek chhuah dawn pawhin hetiang hi a nih angai:
1) Kum kaltaa Second Installment kha released a nih angai.
2) Kum kalta khan First Installment-a sum zaa sawmriat chu hman chhuah a ni ngei tih tarlanna Utilization Certificate (UC) a awm angai. UC hi District Magistrate in Ministry of Statistics and Programme Implementation-ah a hlan ang.
b) Second Installment pawh hetiang dinhmunah chuah hian pek chhuah a ni ang:-
1) La pek chhuah loh zat hi Rs 1 crore aiin a tlem tur a ni.
2) MP in a la hman loh zat hrim hrim Rs 2.5 crore aiin a tlem tur a ni.
3) Financial year kaltaa Utilization Certificates te chu District thuneituten an pe chhuak tawh tur a ni.
Fund te hi a lapse theilo thung a, kum kal zela hman atan a chhawm zel theih a ni.
KHAWVEL MAMAWH CHHANNA ISUA
Mihring hian he khawvélah hian zawng reng rengin ken hun hi kan hmang ral thin.
Kan lo piang chhuak a, khawvél kan han hma chhawn a, zawhna tam tak kan nel nghal a. kan chénna khawvel leh engkim mai hi thununtu awmin kan hria a.
Sakhuanaah a chhana kan zawng a. Nitin nunah mamawh kan nei a, a chhanna zawng reng rengin, kan mamawh min phuhruk saktu zawngin kan hman hlel thin.
Mihring famkim kan nihna hi thil pathumin a siam an ti thin. Tisa, rilru leh thlarau (Mind, Body and Soul). Heng te inrem taka awmtir tur hian mihring chu kan hman hlel a. Chu chhanna zawng reng reng chuan mihring tluklehdingawn tam thlan khurah an herliam a.
Tunlai khawvél hmasawnna leh changkanna kan hmuh zawng zawng te hi heng mihringin a mamawh chhanna a zawnnaa a siam chhuah leh a hmuh chhuah vek a ni.
Khawvel ropuinaah te, finna-ah te, hausaknaah te, Thiamnaah te mihring chuan chhanna engkim a zawng a. A duhkhawp a la hmu lo a. Ama mihring pui ngei pawh siam chhuah a tum a, a hmanhlel ta.Vansangah te awmhmun a khuar a. A zawhna chu chhanna famkim a la hmu lo a, a la zawng zél a.
Kum tam tak kal taah khan Nazaret Tlangval chuan, “Kei erawh zawng, nun an neih nan, tam taka an neih nana lo kal ka ni” a lo ti daih tawh a. Jerusalem kulh pawn lama Juda tlangval an khenbeh khan, khawvélin a mamawh chu a kawl a, rilru, taksa leh thlaraua chhanna famkim chu amah chu a ni.
Lalpa chu amah zawng tute tan chuan a tha a, a ti thlawn ngai lo. Kan engkimah kan mamawh zawng zawng chhanna hi aman a kawl vek a ni. Amah ngeiin, “Nangni thawk rim leh phurrit phur zawng zawngte u, ka hnénah lo kal ula, keima’n ka chauwlh tu ag che u, ka nghawngkawl bat ula, ka hnénah zir rauh u; thuhnuairawlh tak leh rilru inngaitlawm tak ka ni si a; tichuan, in thlarau tan chawlhna in hmu ang” a lo ti daih tawh a ni.
Lalpa’n a thu malsawm rawh se.