Aizawl : SAY, Central North Division-in Inrinni khan Civil Hospital, Aizawl-in a tula a hman turin thisen unit 35 an pe a, thisen petu mipa 31 leh hmeichhia 4 an ni.
Inrinni vek khan KTP, Nursery Veng bial-in Civil Hospital, Aizawl-in a tula a hman turin unit 32 an pe a, thisen petu mipa 28 leh hmeichhia 4 an ni.
TKP, Bawngkawn unit pawhin Inrinni vek khan Civil Hospital, Aizawl-in a tula a hman turin unit 12 an pe a, thisen petute mipa 11 leh hmeichhia 1 an ni. Hemi ni hian Civil Hospital, Aizawl blood bank-ah mimal tlawmngai thisen pe 13 an awm bawk.
ZMC, Falkawn-in a tula an hman atan pawh mi thahnem takin thisen an pe a. KTP, Sateek bial-in unit 62 (mipa 52 leh hmeichhia 10) an pe a. Thisen petute hi Phulpui branch atangin 28; Sateek branch atangin 18; Maubuang branch atangin 8; Phulpui Field Veng branch atangin 6 leh Lungsai branch atangin 2 an ni.
Synod Hospital, Durtlang lamah pawh Inrinni vek khan KTP, Sihphir Vengthar bial-in unit 24 (mipa 21 leh hmeichhia 3) an pe a. Inrinni vek khan PYD, Tipa bial-in Siaha District hospital-in a tula a hman turin unit 27 (mipa 20 leh hmeichhia 7) an pe.
TKP, Champhai Bethel bial-in Champhai District hospital-in a tula a hman turin Inrinni vek khan thisen unit 15 an pe a, thisen petu mipa 11 leh hmeichhia 4 an ni. TKP, Kolasib bial pawhin Inrinni vek khan Kolasib District hospital-in a tula a hman turin thisen unit 23 an pe a, thisen petu mipa 17 leh hmeichhia 6 an ni a. Hemi ni vek hian Kolasib District hospital-in a tula a hman turin mimal thahnemngai 3-in thisen an pe bawk.