Iran rama kum 22 mi thih dan chungchanga lungawi lohna kal zelah nimin khan ramchhunga filmstar lar Mittra Hajjar chu man a ni.
Shargh chanhinbu tarlan danin, MIttra hi a chenna building-ah man a ni a, khawiah nge hren a nih a, tih chungchangah thu chiang a awm lova, dinhmun harsa leh hrehawm takah a awma ngei rin a ni nghe nghe.
Policy custody-a kum 22 mi Mahsa Amini thihna khan Iran rampum mai ni lo, khawvel ram hrang hrang a tuamchhuak rang hle a, September 16 daih tawha thil thleng mah ni se, tun thleng hian lungawi lohna leh thinrimna a kal mup mup reng a hmeichhiate’n zalenna zau zawk ngiatin lungawi lohna an lantir zel.
Iran sorkar chuan heti anga lungawi lona lantira kawngzawhna te chu tharum hmangin a bei nasa hle a, hetah hian ramchhunga milar tak takte pawh telin, thuneitu lamin man an nei nual.