NBA champion Golden State Warriors chuan tun NBA season-ah bul an tan dan tha tawk lo thin chu kal pel zelin Western Conference a paruknaah an inhlang chhova. Houston Rockets 120-101 in Pathianni tukah an hneh.
Warriors chak nan hian Andrew Wiggins chu a langsar ber a. 3 points vawi riat lai lutin tun season a point a score tam ber tum a hmang.
Wiggins hian point 36 a score a. Stephen Curry pawhin 3 points vawi riat tho lutin point 30 a thawh a. Assist vawi 10 a nei bawk.
Klay Thompson aia khelhtir Jordan Poole chuan point 21 a score ve a. Warriors hi NBA chanchin a match nga atanga tum li chhung inkhela 3 points vawi 20 score tling thei pahnihna chauh an ni.
Houston tan Kevin Porter Jr. chu point score hnem ber niin point 20 a score a. Tari Eason chuan point 13 a thawh.