Aizawl : PC party-in kumin chhunga Lunglei Municipal Council (LMC) inthlan hmachhawn ngam lovah state-a rorellai MNF sorkar puhin, an dem thu an sawi.
LMC nodal department changtu Deputy Chief Minister Tawnluia’n kumin chhunga LMC inthlan buatsaih a nih tur thu puang tawh mahse, an hruaitu lù ber leh a kaihhruai sorkar sulhnu pawr leh hnuhma chhe lutuk avangin LMC inthlan chu kumina buatsaih a ni dawn ta lova an ngaih thu PC party chuan thuchhuah siamin an tarlang a ni.
PC party thuchhuah chuan LMC inthlanna tura tul leh pawimawh te pawh peihfel a nih tawh thu State Election Commission (SEC)-in kumin October thlaah khan Mizoram sorkar a hriattir tawh nia tarlangin, heti chung hian MNF party-in sorkarna an chang zo dawn lova an inhriat avangin a changtu Deputy Chief Minister-in Lunglei Municipal Corporation inthlan chu a tikhawtlai luiah an ngai niin an sawi a, demawm an tih thu thuchhuah chuan an tarlang bawk a ni.