British heavyweight boxer Tyson Fury chuan a WBC world heavyweight title kawllai chu a humhim a. Amah chotu Derek Chisora chu round 10-naah knockout in a hneh.
Kum 34 mi hian professional boxing-ah a la tlawm miah lohna record chu a chhawm nung zel a. Tottenham Hotspur Stadium a boxing entu mipui tam ber tum ni tura mi 59,769 pungkhawm hmaah hnehna a chang.
Kum 38 mi, British mi ni ve tho Chisora hi Fury hian an inhnek chhungin a thunun hneh hle a. Rang leh chiang tak taka hnek fuh a ngah. Referee in Fury-a’n a nawr nasat a, a letleh lam dawng si lova kut a thlak nasat avangin round 10-naah bout a ti tawp.
Fury hian a chak hnuah Oleksandr Usyk a cho zui a. Ukrainian boxer tuna IBF, IBO, WBO leh WBA heavyweight champion kawnghrente kawltu hian London-ah hian boxer pahnihte inhnek hi a hmunah a en.
Fury leh Chisora te hi an inhmachhawn vawi thumna a ni a. Kum 2011 leh 2014 te khan Fury hian a lo hneh ve ve tawh a. Chisora hi vawi 46 atanga a tlawm vawi 13-na niin a hma hun chungchangah zawhna a tam zual sawt tura rin a ni.
A chak hnuah Fury chuan, “Usyk hi a dawt leh chu a ni. Kg 95 mi lek a ni a, Ukrainian pakhat ka hneh tawh. A dawt lehah ka pakai leh dawn.” tiin Usyk a cho.
A khingpui chu fak bawkin, “April thla hnua ka inhnek lehna a ni a. Del hi fak loh theih a ni lo. Ka hnek fuh ngun a, mi dang zawng tlukpui tur khawpin ka hneh. Mi tlo tak a ni a, British mite pasaltha a ni.” tiin Chisora chu a fak bawk.