Otto Addo chuan World Cup group stage atanga an tlak hnuah Ghana head coach a nihna a chhuahsan.
Kum 47 mi ni tawh Ghana international thin hi February thla a Milovan Rajevac an ban hnuah interim coach atana ruat a ni a. December thla thleng team hi enkawl tura contract ziahpui a ni.
An ram tana hna a thawh bakah hian German club Borussia Dortmund-ah talent coach a ni mek.
“World Cup-ah hian kan tling a nih chuan kan champion pawh nise a zawhah ka ban tur thu hi ka lo sawi tawh thin.”
“Germany-ah kei leh ka chhungte hian kan hma hun hi awm se kan duh zawk rih a ni.” tiin Addo chuan a thutlukna a sawifiah.
Ghana hi Group H-ah awmin South Korea hneh mahse Portugal leh Uruguay lakah an tlawm.
Addo hi Germany a Hamburg khawpuia piang a ni a. A inkhelh chhung hun tam zawk pawh Germany-ah a hmang.