US President Joe Biden chuan tunhnaia Juda mipuite huat tur thu sawi chhuak fotu rapper Kanye West a dem a, Hitler ngaihsanna thu sawi lehzeltu lakah a lawm lo.
Tunhnai mai khan President hlui Donald Tump-a’n Indopui pahnihnaa Juda ho suat an nihna pawm lo leh hnial tlattu Nick Funtes bakah sawihlawh rapper Kanye te hi khunkhan takin a kawm a, hemi tum hian Kanye-a’n Adolf Hitler a ngaihsanzia a sawichhuak nghe nghe.
Biden chuan twitter kaltlangin, “Thil thekhat sawifiah ngei ngai a awm. Juda suatna (holocaust) kha a thleng ngei a ni. Hitler hi ramhuai thinlungpumi a ni a, heti anga lam hawi sawichhuak a, ngaisangtute tan paltform siamsak hi thil pawi tak a ni a,, chu ai chuan juda huatna lam thil sawitute thinrik a, hnawl ngam hi apawiawh ta hle mai,” a ti.
Trump hian Mar-a-Lago resort, Florida-ah Fuentes leh Kanye te hi a lo mikhual a ni awm a, hei hian a telna party Republican member te ngei pawh an thinrim.