Aizawl : Mizoram khawpui fai inelna atana inpuahchahna hun August ni 1, 2022 atanga tan chu November ni 30, 2022 khan a tawp tak avangin khawpuite endik hna kalpui tan a ni dawn a. Endiktu tura ruat ten nimin khan endik hna thawk turin an chhuak a, zing dar 6 UD&PA Director H. Lianzela’n Vanapa hall tual atangin a vailiam.
Khawpui fai inelna endik tur hian DIPR officer 1, MPCB officer pakhat bakah, MJA, STAM, HISSLAM leh CYMA atangin mi 1 theuh ruat an ni a, team 2-a inthenin tehfung hrang hrang hmangin endik hna an thawk dawn a ni.