Aizawl : Ni 5 thanga Meghalaya tlawh tur Kolasib district MJA member 7 leh DIPRO, Kolasib te chu nimin khan Kolasib Bawrhsap Joh LT Sanga’n a vailiam.
Kolasib DIPRO Hmingthanzuala hova Meghalaya tlawh tur Kolasib district MJA member te hian Agriculture leh Horticulture hmunhma te tlawh an tum a. NEIGRIHMS leh hmundang pawimawhte an tlawh bawk ang.
Kolasib Bawrhsap John LT Sanga chuan thuthar lakhawmtute chu mi inchhiar zau tak an nih a tul bakah thil hre chiang tura hmun hrang hrang an tlawh kual a pawimawh thu a sawi a. Meghalaya chu India hmarchhak state zinga khawpui hmasa a nih avangin zirchian tur tam tak a awm tih sawiin, khawtlang leh ram tana thil tha leh hmasawnna thlen thei awm te zirchianga, hlawkthlak taka hun hmang turin duhsakna a hlan a ni.