Hollywood star lar tak ni thin Sharon Stone larna zinkawng duhawm tak hu AIDS NGO a thlawp tlat vanga tihchhiatsak veka a awm thu a sawi.
Lemchank khawvela lar tak Elizabehth Taylor boral hnu khan HIV/AIDS laka beihpuithlakna a kalpui chu Stone kutah tlu lutin, ani hian AIDS researach organisation amfAR chairwoman a ni chhunzawm a, hei hi 1995 khan a ni.
He pawlah hian kum 25 zet awmin, AIDS leh a kaihhnawihin TV lama adversitment te hmu a, damdawi dang ang pawha a enkawlna mumal tak tihchhuah anih thleng khan niin, khami hma zawnga AIDS research a lo thlawpna te khan a career chu a tichhe vek, a ti.
“Elizabeth Taylor hmunruak luah a, amfAR ah ka luh khan ka zo lo ti tih a ni deuh mai a, khatih laia ka aiawha dingte pawh khan ‘Hei hi i kalpui chuan i career in a tuar ang’ tiin min hrilh fo. Kum riat vel hna ka thawk thei lova, chairwoman ka nih khan ka career-ah nghawng na tak a nei.
“Khatih lai khan he natna kaihhnawiha inthinhrikna, in deusawhna leh inmihranna kha khati ang taka nasa kha a awm ka lo ring lova, ka lo inhmanna rah chu tel in, kum riat velzet film ka buaipui thei lo.
‘Condom chungchang i sawi chuan funding kan cut ang’ tih te, kawng hrang hranga vau ka ni chhunzawm a, ka nunna atana hlauhawm tura invauna kha a tam hle a, mahse ka vuan lui ve tlat bawk si a ni,” tiin kum 64 mi hian a sawi.