Amber Heard-i lawyer chuan Johnny Depp nen thubuai result lakah lungawi lovin a appeal ta.
June thla khan US jury-i’n Ms Heard chu a pasal hlui Mr Deep a timualpho tiin thutlukna a lo siam tawh a, chanchinbu pakhatah In chhungkhura kutthlakna tuartu a ni, tia a ziah kal zela inkhin buainaah thiam loh a chantir.
Juror te chuan Mr Depp hnenah zangnadawmna $Maktaduai 15 pe turin Ms Heart an hriattir a, lemchan khawvela inkhinbuaina lian tham ber hi a tawp dawn ta emaw tih laiin, Ms Heard leh a pawl te chuan jury thutlukna chu tihdanglam ngiat tumin tunah hian thubuai thar lam tak hmangin an umzui leh dawn ta a ni ber.
Ms Heard (36) hian a pasal hlui Mr Depp (59) laka thubuai a siam pathum zinga pakhatah hnehna chantirin, zangnadawmna $Maktaduai 2 dawng tura tih a ni ve bawk.
Amaherawhchu, tunah hian an thubuai kha dik lo tak leh tanlam nei ran chunga kalpui a ni, tiin a thar thawh leh dawn ta a, evidence pawimawh thenkhatte chu judge thutluknaah hian hmaih luih ni ah angaiin, appeal tumin a thawk leh dawn ta a ni.