Ruah sur nasa avanga Bolivia-a Sucre khawpui chhunga tui lian thutah mi pali an thi niin police-ten an sawi.
Darkar chanve vel chhung zet rial thahnem tak a a tla bawk a, khawpui awih deuhvah chuan lui lian tak luang tlang ang maiin tui a luang ta zur zur a ni.
Tui lian hian car, bus leh bazara inphote bungrua pawh a a len nasa hle.
Khawpui chhunga tuar na ber chu lo neitute bazar lian ber leh a chhehvel a ni a. Tuiin hnawl a chhek khawm avangin kalpawh hleih theih pawh a ni lo.
A mi chengte chuan khawpui thuneitute hian fur laia ruah sura hetiang buaina a thlen loh nan hian ruahmanna an siam tha tawk lo niin an sawi.
Rial hi an ram sanaa Thawhlehni tlai dar 6:45 (India Nilaini zing dar 4:15) vel atangin a tla tan niin an sawi.
President Luis Arce chuan chhiatna thlenga thi chhungte a tawrhpui thu a sawi.
Interior Minister Eduardo del Castillo chuan naupang leh puitling pathum ve ve an chin hriat lohva an la awm mek thu leh mi pasarihin hliam an tawrh thu a sawi.