Aizawl : Mizoram Blind Society (MBS)-in nimin khan Ramhlun venga White Stone conference hall-ah general body meeting leh moral reformation seminar cum legal awareness hun an hmang a. Labour employment, skill development and entrepreneurship deptt. Director Angela Zothanpuii’n a telpui.
MBS general body meeting chuan Mizorama mitdel te leh khaw hmuh fiahlo, zirna lama thleng sang ve thei lo ten Skill development hmanga mahnia eizawnna ngelnghet an neih ve theihna tura hmalak an rawt a. Mizorama mitdel leh rualbanlo dang sorkar hnath- awk thei lo, khawsak harsa ten guarantor ngai lova awlsawm zawka disable loan an hmuh theihna tura hmalak an rawt.
Mizorama mitdelte leh khaw hmuh kawnga harsatna nei ten a thlawna coaching class an kal ve theihna tura hmalak pawh MBS chuan an rawt a. Mizorama mitdel leh khaw hmuh lama harsatna tawk nei Basic computer training course leh a chung lamte a thlawna an zir theih na tura hmalak pawh rawtin, Mizoram sorkarin hna, rualbanlo quota-a lak kawngah rualbanlohna nasa zawk nei (persons with severe disabilities) te duhsak an nih theihna tura kawng hrang hranga hmalak an rawt bawk.