UFC bantamweight champion lo ni tawh TJ Dillashaw chuan chawl turin thutlukna a siam fel niin a agent Tiki Ghosn chuan Thawhtanni khan a sawi.
Tum hnih lai 135 pound huang a lo champion tawh Dillashaw hian UFC 280 khan champion lai Aljamain Sterling a hmachhawn a. A dar veilamah hliam nei sa a inlanin hei hi an inhmachhawn laiin a nat belh a. Round hnihnaah technical knockout in a tlawm.
Kum 36 mi Dillashaw dar hliam hi November 10 khan zai a ni a, hun engemaw chen chawl tura ngaih a ni.
Nimahsela a agent Ghosn chuan a hliam chu vawi khat chauh ni lo la zai nawn ngai mai thei a nih avangin a chawl rei dawn a. Hei vang hian a dar hliam enkawl dam a, a nupui fanaute bula hun tam zawk hman a duh niin a sawi.
Dillashaw hi a chawlh thu puan a nih hnu hian UFC thawhpui USADA drug-testing pool-ah a awm lova, UFC rankings-ah pawh a awm lo nghal.