Aizawl: Armed Forces Flag Day 2022 pualin Governor Hari Babu Kambhampati, Chief Minister Zoramthanga leh Speaker Lalrinliana Sailo bakah sorkar hotulu ten tanpuina sumfai an thawh.
Chief Minister hi Delhi lamah official program a neih avangin Secretary to CM in Sainik hotute leh Ex-Servicemen hotute hi a lo dawngsawng a ni.
Governor Secretariat, CMO Office, Speaker, Minister, Chief Secretary leh department hrang hrang secretary-ah te nimina vehbur khawn atangin Rs. 15,890 (Singkhat sangnga zariat leh sawmkua) hmuh a ni a, District Sainik Welfare Office pali ten Armed Forces Flag Day material lapel badge leh sticker an tihralna atangin thahnem tak hmuh belh tura beisei a ni bawk.
Tlawmngaia thawhlawm petu zawng zawng te leh Flag Day material chan sak tute zawng zawng chungah Sainik Welfare & Resettlement Department chuan lawmthu a sawi.
Nimin kha Armed Forces Flag Day a ni a. India ram pumah kum tin December 7-ah, kum 1949 atang khan hman tan a ni a. Mizoramah pawh Directorate of Sainik Welfare & Resettlement bul tumin he ni hi Aizawl ah leh District Sainik Welfare Office awmna district pali ah te hman a ni.
He ni hian indona-a nun chân ta nupui fanau te, hliam tuar a remtuileiloa awm te, ex-servicemen leh hmeithai harsa zualte chhawmdawl nan vehbur khawn thin a ni.