Mizo Zaimi Inzawmkhawm (MZI)-in December 8 leh 9 hian Reiek-ah inkhawmpui lian (general conference) an hmang dawn a, hruaitu thar an thlang bawk ang.
MZI inkhawmpui lian hi December ni 8 zanah palai lawmna inkhawma tan tur niin, a thlengtu Reiek bialtu MLA Pu Lalrintluanga Sailo khuallian a ni ang a, Reiek VCP Pu Lalrozama khualzahawm a ni thung ang.
December ni 9-ah nilengin rorel leh hruaitu thar thlangin hun an hmang ang a, rorel hlanin rorel palaia tel lo ten Reiek Tourist Resor-ah hun an lo hmang bawk ang. Tlai dar 4-ah inkhawm a awm leh ang a, Jt Director, Art & Culture Department Pu Carol VLMS Dawngkimi khuallian a ni ang a, MZI thupui ‘Unity Through Music’ tih thupuia hmangin MZI Library sub-committee Chairman Pu Rosiamngheta’n thu a sawi ang.
Zan lamah MZI member kaltate sunna leh hruaitu hlun chawimawina inkhawm a awm ang a, Minister C Lalrinsanga khuallian niin, MZI Life member, Lalduhoma, MLA khualzahawm a ni thung dawn a. MZI inkhawmpui lianah hian inkhawm hrang hrang kar lakah leh ban hnu lamah te hun hlimawm hmangin, MZI member zaithiam leh rimawi tum thiam ten hun an an hmang thin dawn a ni.