India cricket team in an innings tir lama wicket an hloh hma chu an tuar a. Chak tura run 272 an mamawh chu pha lovin 266 chauh an tlin.
Bangladesh in run 5 in Nilaini khan hnehna an chang a. Vawi thum One Day international khelh turah vawi hnih chakin series an la chiang tawh.
Dhaka a Shere Bangla National Stadium a inkhelah hian Bangladesh in vuak hmasak an thlang a. Mehidy Hasan Miraz bawk an team chhandamtu ni lehin ball 83 atangin run 100 a siam a. ODI-ah century a siam vawikhatna niin inkhel a team pahnihten chantha zawk chan nih an inchhawknaah a pawimawh hle.
Mohammad Mahmudullah chuan run 77 siamin a thlawp bawk a. Over 50-ah run 277 an siam.
India tanShreyas Iyer chuan run 82 siamin Axar Patel leh Rohit Sharma ten run 50 chuang thawh ve ve mahse bul tantu lamin run an siam that tawk loh chu an tuar a. Wicket 9 hlohin run 266 bak an tlin lo.
Inrinni hian ram pahnihte hian ODI vawi thumna an khel leh ang.