Premier League club Manchester United chuan thlasik season chawlh laia friendly inkhelah La Liga club Cadiz an hmachhawn a, 4-2 in an tlawm.
Nuevo Mirandilla a Nilaini zana inkhelah hian United in goal hnih an chhuah hnuah an si phurh an sut a. Mahse Spanish team in goal hnih dang an khung belh.
Mualneitu lamin World Cup avanga season chawlh lailawk chhungin an player-te intuaihriam nan first team player an khelh tir a. Carlos Garcia leh Anthony Lozano te chuan minute 14 chhungin goal hnih an khung.
United hian World Cup khel lo first team player – Victor Lindelof, Aaron Wan-Bissaka, Scott McTominay, Donny van de Beek, Alejandro Garnacho, Anthony Elanga leh Anthony Martial te tih loh chu player naupang vek Spain-ah training camp neiin an hruai.
Martial-a’n penalty a khung hnuah halftime zawh a dah luh kum 17 mi Kobbie Mainoo chuan United goal hnihna a khung.
Cadiz tan erawh Ruben Sobrino leh Tomas Alarcon ten an khung belh ve leh a. United hian Inrinni hian Real Betis an hmachhawn leh ang.