England winger Raheem Sterling chuan Inrinni a England leh France an inkhelh hma in Qatar-ah World Cup squad a zawm leh dawn.
Kum 28 mi Chelsea player hian Pathianni khan London a a inah misual an luhruk avangin England squad hi a hawsan a. England team aiawh chuan a chhungte a ngaihsak avangin a haw tih an sawi.
Round of 16-ah Senegal nen an inkhelh tumin a tel lova, mahse vawiin hian Al Wakrah-ah England hi a zawm leh tura ngaih a ni.
Ram tana vawi 81 khel tawh Sterling hian England tan tun World Cup-ah Iran nena an inkhelh tumin goal a khung tawh a. USA nen an inkhelhin bul tan bawkin Wales lakah erawh khelh tir a ni lo.
Sterling-a aiawhte chuan Inrinni khan a inah hriamhrei keng an lut niin a sawi a. Hetihlai hian Surrey Police lam chuan London a inrawk a nih chungchang an chhui mek thu an sawi ve bawk a. Tlereuh leh sana manto te bovin tharum thawhna erawh a awm lo tih an sawi.