Lady Gaga-i Ui enkawltu kaptu nia hriat James Howard Jackson chu thiam loh chantir niin, kum 21 tang tura hrem a ni.
Nikum khan Gaga-i Ui enkawltu Ryan Fischer chuan French bulldog pahnih chu kaiin, a lenchhuah pui a, hei hi James hian chhuhsak tuma a beihna lamah silai a hmetpuak.
Kum 20 mi James hian a laka thubuai siamsaknaah chhuanlam engmah siam lovin, midang tihnat a, tualthah tumna hial kalpuia puhna pawh a pha lo bawk. February 24, 2021 khan Fishcher leh Ui pahnih hi James leh midang pahniah te chuan chhuhsak tumin, an zim buai a. An sawi dan chuan Gaga-i ui an nih reng an hre lo.
Fischer hian nasa taka tan khawh a Ui te a chhanhimna lamah hnai set sawta kah niin, a thin a thler a, Damdawi In-ah enkawl a ni hial.