Karnataka-a Kristian sakhaw vuantute chuan Pathianni khan Uttar Pradesh-a Ayodhya hmuna Hindu sakhaw hmun, Lord Ram temple sak turah cheng maktaduai chuang an thawh niin Deputy Chief Minister CN Ashwath Narayan chuan a sawi.
Narayan hian Kristian hruaitute nena an inbiakna kaihruaiin pawisa hi tuna ‘Nidhi Samarpana Abhiyan’ (fundraising drive)-an neih mek hnuaiah chhun luh a ni.
Kristiante zingah hian sumdawng lian, lehkha thiam rual, ram pawna India mi cheng (non-resident Indian) leh CEO hna chelhtute leh mi lian hrang hrangten he inbiakna hi an telpui.
Sumdawng lian, Ronald Colasa chuan Kristian kalkhawmte hma hruaiin an pawl chuan ram inpumkhatna leh khawtlanga ralmuanna thlentu nih hi an duh ber fo tih a sawi.
An state chhunga Christian Development Corporation din a nih thu leh Rs. maktaduai 200 an pe chhuak thei chu lawmawm a tih thu Colasa hian a sawi bawk.
Kalkhawmte hian Narayan chu an state chhunga zirna sang zawk a awm theih nana theihtawp a chhuah avangin lawmthu an hrilh a. Saint Joseph University dinna tura rawtna a duan avang leh a rawtnate pawmsak a nih avangin an lawmpui thu an sawi bawk.