Portugal a football thuneitu Federação Portuguesa de Futebol chuan an captain Cristiano Ronaldo chuan World Cup squad chhuahsan a vau ni a thuthang chu a dik lo tih an sawi.
Portuguese chanchinbu Record chuan kum 37 mi an forward hian Switzerland nen an inkhelh dawn tumin inkhel bul tan tir a ni dawn lo tih hriattir a nih hnuah team chhuahsan a vau niin an sawi a. Hemi hma a South Korea nen an inkhelh tuma thlak a ni chu a lungawi lova, a lungawi lohna hi nasa takin a tilang chuan sawi a hlawh viau.
FPF chuan, “Cristiano Ronaldo hian engtiklai mahin national team hi Qatar atanga hawsanah a vau ngai lo.”
“Cristiano hian hun rei tak chhung ram tana inpekna thuk tak nei chungin national team tan a inhlan tawh a, hei hian zah a phu.”
“He inpekna hi Switzerland lakah pawh a hmuh theih a, team tana tha tur angin 2022 World Cup round of 16 inkhelah pawh a inpekna a lantir mai.” tiin an sawi.
Ronaldo hi group stage a a inkhelin sawisel a hlawh a. Hei vang hian Swiss ho lakah Goncalo Ramos chuan a thlak a, Ramos hian hattrick a siam.