Taksa lama harsatna chi khat (cerebal palsy) nei nu pakhat chuan tleilrawl a nih laiin Backstreet Boys star Nick Carter-a’n a pawngsual, tiin thubuai a thehlut.
Kum 39 mi Shannon Ruth hi 2001 daih tawh khan tour bus-ah Nick hian oral sex a neihpui hnu ah a pawngsual zui niin, a sawi.
Attorney Mark Boskovich-a’n virual press conference a neihah khatih laia kum 17 mi Shannon hi Tacorna, Washington-a concert nei zo Backstreet Boy member te autograph beiseiin pawn lamah a intlar ve a, Nick-a’n bus chhung lamah a sawm lut zui.
“Hetah hian VIP juice a tih mai chu a tem tir a, Nick hian bus bathroom lamah hruai zuiin, oral sex a tihluih tir a ni,” tiin Boskvoich hian a sawi a ni.
Shannon hi hetih lai hian a la virgin a, a duh loh chung a tilui chhunzawm zel nia hriat a ni bawk. Thubuai thehluh ah kum 42 mi Nick hian tunhma lam pawhin hmeichhe pathum lakah mipat hmeichhiatna lam hawiin mawi lo takin a lo che tawh a, heng mi pathum te hi a be ve tawk niin, Boskovich hian a sawi bawk.