Kum 111 chhunga khawvel huap a motorcycle tha lo siam tawh thin Italian company Benelli chuan Mizoram-ah dealership thar an nei ta a. He dealership thar hi December 9, Zirtawpni khan Lalrinliana Sailo, Speaker, Mizoram Legislative Assembley chuan a hawng.
He dealership hi ALS Motors hnuaia hawn a ni a. Benelli Keeway hnuaiah India ram pumpui a hmun 55-ah an inzarpharhna chiah a ni.
Benelli | Keeway-ah hian Italian bike lar Benelli superbike hrang hrang lei theih a ni dawn a. Hei bakah hian Hungarian company tha Keeway bike te lei theih an ni bawk ang. Aftersales service lamah tan an la nasa a, tunlaia bike tha leh changkang berte khawih theih vekna hmun an buatsaih bawk ang.
Managing director Vikas Jhabakh chuan, “India ram hmun hrang hrangah kan customer-te hnaivai zawka kan awm theih nan kan dealership network hi kan zauh zel a. He kan inzauhna hian kan customer te tan Benelli leh Keeway bike tha te an banphaka a phochhuah bakah customber service tha bik tak an tan a kalpui theih phah a ni.”
“ALS Motors nen kan thawkho tur hi kan lawm a, anni kaltlang hian he brand in a hmingthatpui tawh customer te ngaihsakna chu hlawhtling taka kan kalpui theih hi kan ring tlat.” tiin a sawi.
Benelli | Keeway hian tun dinhmunah hian bike 12 lei turin an nei a. Model thar hawn ni hian pahnih an tlangzarh nghal bawk.
Keeway atangin 125CC scrambler atanga 250CC leh 300CC bike te bakah 300CC scooter te an nei a, cheng nuai 1.19 atanga 3.9 inkar te an ni hlawm.
Benelli atangin 250CC leh 500CC model hrang panga an nei bawk a. An bike te hi tourer, scrambler leh cruiser te an ni a, cheng nuai 2.89 atanga 6.1 inkar a ni.
Anni company-ah hian booking ti turin Rs. 10,000 a ngai a, Benelli TRK 251 bikah Rs. 6,000 a ni ang. An lirthei te hi booking tih atanga ni 15 chhunga thlen tir zel chu an kalpui dan tur a ni bawk.
Benelli | Keeway Exclusive Showroom hi Chawlhhmun, Mizoram University road-ah hawn a ni a. Mizoram-ah lirthei hralhchhuah bakah service leh part tha Benelli leh Keeway rider-te tan a pe thei tawh dawn.