Ceiline Dion chuan natna tihdam theih loh Stiff Person Syndrome (SPS) vanga enkawl mek a nih thu sawiin, tour hmachhawp te chu a cancel vek, a ti.
French Canadian singer hian follower maktaduai 5.2 a neihna instagram-ah a harsatna leh buaina chungchang tarlangin, ke kal a harsat tak dan te, zai thlenga a nghawng nat dan te nen lam a tarlang a ni.
“Hun rei tak atang tawh khan he natna khirh leh buaithlak tak hi ka lo hmachhawn tawh. Chona namen lo ka hmachhawn mek a ni a, a harsa hle,” tiin kum 54 mi hian rilru hrehawm takin video kaltlangin a sawichhuak. Fan te tan thu lawmawm a ni lo.