Aizawl: Govt Haulawng High School-in nimin khan an sikulah an kum 50 tlin an lawm.
Golden jubilee lawmna inkhawm hi Headmaster Lalhmachhuana’n a kaihruai a, khuallian Additional Inspector General of Police C. Lalthanmawia, Khual zahawm TC Zonunsanga DRO ten thu an sawi a, Jubilee pual lungphun chu headmaster hlui, Lawmkima’n a hawng a, C.L Lawmsanga’n souvenir magazine a tlangzarh thung.
Govt. Haulawng High School hi kum 1972 khan Haulawng khawtlang tangrualin an din a ni a, khawtlang mipuiten zirtirtute hlawh tur a theih ang anga thawk chhuakin kum 1981-ah deficit-ah hlan kai niin, kum 1991-ah provincialised a ni ta a ni.