Aizawl: MNF party-in nimina an office, Hnam Runa chhung inkhawm an neiha thusawitu, MNF Treasurer K Vanlalauva chuan ZPM Leader Lalduhoma chu beiin MP a nih laia Parliament House chhunga engmah sawi ngai loah a puh.
K Vanlalauva chuan, “Mizoramin inremna kan mamawh lai tak, India sorkar leh MNF inbiak laia MP kan neih, Pu Lalduhoma khan Parliament House-ah engmah a lo sawi ngai lo, a au chhuak lo reng reng tih tuna kan MP-ten document an dil chhuah atangin a lang,” a ti.
State dang MP-te au chhuahna thu chhiar tur a awm laia khatih laia MP Lalduhoma a ngawi reng kha mak tih loh rual a ni lo tih a sawi a, party-ah chuan eng anga senior pawh ni se an rinawm loh va, tui anga nghet lo an nih chuan Lalpan thuhretuah a ruat ngai lo tih a sawi.
MNF treasurer chuan ramhnuaia an hotuten harsatna hrang hrang an lo tawh atangin tun dinhmnunah pawh eptu party-ten an president chu namen lovin an sawi chhia tih sawiin, tun aia nasain an la sawi dawn chauh a, fimkhur tak leh nghet taka MNF-te chu awm turin a ngen a ni.
Nimina Mizo Hnam Run chhung inkhawm hi D. Thangliana, NCC Member, MNF Gen. Hqrs-in a kaihhruai a ni.