- Lallunghnema, Charity Lodge
Chhiartute chibai ka buk a che u.
Tun tumah hian Electric vanga kangmei chhuah theih dan leh tih tur leh tih loh tur tlangpuite kan sawi dawn a ni. A tawi viau nain a pawimawh tak zet a ni.
Tum khat chu ka lehkha dahna ka en a,lehkha chhia leh tha ka thliarna lamah leaflet pakhat paih mai ka tum chu ka han en chiang a. P&E Deptt.leaflet hi a lo ni a. Chhiartute lo chhiar atan ka awt ta riau mai a.Tun tumah hian a nih ang angin ka rawn chhawp chhuak ta ngawt mai a ni . Power &Electricity Departmentin min lo hriat thiam ka beisei a ni ‘Mas leh Kum Thar lawmna Hunpui lai hian nun kan induh thawh a.Hlim taka he hun hi hman kan duh theuh si a ni.Chet sual tam hun lai a ni thei bawk.Chuvangin mitin kan lo fimkhur theih nan ka han pho chhuak chawm mai a ni. Han chhiar teh le.
A. Electric vanga kang mei chhuah theih dan:-
1) Hrui hlui leh plug hlui lutuk hman avangin.
2) Electric bulb leh bungrua hlui tawh hman avangin.
3) Rem leh rem lova wire kan zawm leh zawmna nghet tawh loh avangin.
4) Electric heater, Istiri(electric iron) leh electric khawl dangte kan hman lai leh kan hman tawh loh hnu a kan dah fimkhur loh leh off loh avangin.
5) Kan electric hrui, wiring leh plug points ten power an ken theih aia tam khawl thil/bungrua kan hman thin avangin.
B. Tihtur :-
1) Electric wiring reng reng i hmanna tur mamawh chiang takin chhut phawt la, chumi zawhah hrui leh bungraw hman tur zo tur ngei hmang thin la, hemi ti tur chuan mi rintlak chauh ruai thin ang che.
2) Electric bungrua/khawl i siam reng rengin plug-ah emaw phawi ngei ngei tur.
3) Electric vanga kangmei a chhuah in a thelh nan tuiah lei emaw balu emaw carbon dioxide emaw hman tur.
4) Wiring-ah short a lo awm hun atan amaha power in off thei MCCB emaw hmang ngei ang che.
5) In wiring leh khawl reng reng a khat tawkin a that leh that loh enfiah thin ang che.
6) In tinah kang thelhna (Fire Extinguisher) kawl zel ni thei se.
C. Tih loh tur :-
1) Kut huh/hnawngin electric bungrua reng reng khawih loh tur.
2) Electric wire zawm, a insulation pilh/khem tawh emaw hman loh tur.
3) Electric hrui hnaihah lehkhachaih chaih loh tur.
4) Switch a Off hmasa lovin plug pawh phawi loh tur.
5) Plug atanga hrui chhuak rah leh pal mai mai theih a zam loh tur.
6) Electric hmang khawl reng reng awlsam taka kang thei bulah dah loh tur.
7) Ar vulhna etc. tih enna turin electric wiring mumal lo tak hman loh tur a ni.
8) Thuneitute hriatpui lohin mahni duh ang angin inchhung wiring zawm belh emaw tih danglam loh tur.
Tin, heti hi a ni a, consumer right leh issue chi hrrang hrang hi kum sawm hnih chuang fe ka lo buaipuiin article pawh za tel teh meuh ka lo ziak ta a.Mizoramah hian he lam thu ziaktu awmchhun pawh ka la ni hial awm e. Lehkhabu hi bu 6 zet ka lo ziak tawhin ka theh darh tawh a.Ka thil buaipuiah hian ka inchhir lova,ka lawm veng zawk a ni. Hei bakah hian, uangpui chang lo ila, thil leitu leh hmangtute( consumer)ka la buaipui theih zel avang pawh hian ka lawmna a zual thin!