UFC in an light heavyweight champion Jiri Prochazka inhliam avangin champion thar an zawn a ngai a, UFC 282-ah hei hi thlen tir tum mahse an hlawhtling lo.
Pathianni zingah Las Vegas a T-Mobile Arena-ah champion hlui Jan Blachowicz leh a zawna vawi kua chak tawh Magomed Ankalaev te an intum a, chak zawk awm lovin split draw in judge ten point an pe.
Judge Mike Bell chuan 48-47 in Blachowicz a chak tir a. Derek Cleary chuan 48-46 in Ankalaev chak tirin Sal D’Amato chuan 47-47 point a pe thung.
Judge te point pek dan atangin round nga a chungnung tak Ankalaev chu a tawp khar tha lo se tlawm zawk tur a ni a. Cleary leh D’Amato ten 10-8 ve ve round hnuhnung berah an pe.
An inhmachhawn zawh hnuah Blachowicz chuan, “Ka chak zawk lo tih ka chiang, ka en tha leh ang. Ka tlawm leh tlawm loh chu ka hre lo, mahse ka chak zawk lo chiang.” tiin a sawi zui a. An intum zawk veleh Ankalaev chu chak zawk nia ngaiin a ban a phar tir nghal a, judge te thutlukna erawh a danglam.
UFC 205 pound title kawltu an la awm loh avangin champion zawnna an kalpui lehnghal dawn a. UFC president Dana White chuan champion hlui Glover Teixeira leh 11-1 record nei lai Jamahal Hill ten thla thar a UFC 283-ah an inchuh tur thu a sawi.
Co-main event-ah UFC in vawrh an tum English fighter Paddy Pimblet chu sawisel hlawh takin chakah an puang bawk.