Chelsea striker Armando Broja chuan tun season-ah football a khel leh ang em tih zawhna a awm a. Aston Villa nen friendly an khelh tumin a khup a ti na.
Kum 21 mi Albania international hi Abu Dhabi a season chawlhlai friendly inkhelah Villa defender Ezri Konsa nen ball an inchuhnaah a inti na a. Chhuatah na ti taka tlu in buaipui a ni nghal a. Amah a chhuak thei lovin zawn chhuah a ngai.
Chelsea manager Graham Potter chuan, “Player nen ball an inchuhnaah an insu fuh a, chhuata a tluknaah a insawh na ta niin ka ngai.”
“Tunah chuan a hliam nat zawng tak leh kal zel dan tur hriat a la ni lova, mahse beisei a sang thei vak lo. Beiseina erawh kan nei tlat ang, mahse a inhliam dan a nat hmel em avangin engmah sawi theih a ni lo.” tiin tun season-ah a inkhel leh thei ang em tih an hre lo.
Broja hian tun season-ah Chelsea tan Premier League match 12 a khel tawh a, striker rinrawl thachhangdawltu ah tangin bench atangin vawi 10 dah luh a ni a. Goal khat a khung tawh.