Lunglei district Congress committee (LDCC) President KL Chhawnzauva’n “Midang aia nasa zawka ram rawngbawl tura kan inpek a ngai” a ti.
Kumin atana Lungleia Congress Bhawan kharna inkhawma nimina neihah LDCC President chuan a sawi a. “Ram tana inhlan ngam tak tak nih a ngai a, tu te emaw ang mai maia rorel kan tum a nih chuan a dik thei dawn lova, midang aiin nasa zawka inpek hi kan tih tur a ni” a ti bawk.
LDCC President chuan Congress party worker ten Pathian an rin tlat a ngai tih sawiin, “politics zin kawngah leh thil dangah survival of the fittest tih a ni thin a, keini ho tan chuan survival of the Godliness tih hi ni zawk se, Pathiana innghat tlat te hi an dingchang zawk thin tih hi pawm ngam ang u” a ti.
Tunhnaia India parliament-a Uniform Civil Code (UCC) pass a nih atangin BJP-in India chu Hindu lalrama siam an tum tak tak ta tih a hriat theih niin LDCC President chuan a sawi a. “Pathian nung ringtute pawh hian ram kan kaihhruai danah Pathian thu kan luhpui zel a tul a ni” tiin, party worker zawng zawng te Krismas leh kumthar chibai a buk.
LDCC Bhawan hi January ni 16, 2023-ah an hawng tan leh ang.