Myanmar buaina kal zelah Ningani khan lungawi lohna lantirtu mi pakuate chu sipaite kutah an thi.
Maying bial chhungah mi paruk an thi a, mi pariat an hliam.
Hliam zinga pakhat hi a na hle tih chhanchhuahna hna thawktuin AFP news agency hnenah a hrilh.
Mi thenkhat chuan thi zinga mi 5-te chu an luah silaia kah an nih thu an sawi.
Yangon hmarchhak lamah bengngawng kum 33 mi, Zaw Zaw Aung a thi bawk.
Chhanchhuahna hna thawktu pakhatin Mandalay-ah kum 30 mi pakhat a thih bakah na taka hliam mi pahnih an awm thu a sawi a. Sipaiten chhanchhuahna hna thawktute pawh an vaihma vek tawh vangin an tan pawh chet a harsa hle tawh a, mitthi ruang pawh hi an hlawm thei lo niin a sawi.
Ningani vek khan sipaiten an tih khât tak tiin thuthar lakhawmtute an kawm bawk.