Aizawl: Bangladesh tual chhung buaina avanga an sahimna zawnga Parva III khuaa awm mek Bangladesh raltlan thenkhat chu hmun dangah sawn chhuah an ni.
Parva III khawtlang hruaituten an sawi danin, Lawngtlai bawrhsap thuchhuak angin nimin khan Parva III khuaa raltlan awmte chu khaw dangah sawn chhuah an ni a, chhungkaw 21-te chu Vathuampui khuaah, chhungkaw 14-te chu Chamdur Project-ah leh chhungkaw 10-te chu Mautlang khuaah sawn chhuah an ni a. Raltlan sawn chhuah hi BSF-ten an buaipui nia thudawn a ni.
Tun dinhmunah Parva III khuaah hian raltlan chhungkaw 33 an la awm mek niin an khawtlang hruaitute chuan an sawi a ni.