Aizawl : PC party-in Mizoram Synod inkhawmpuiin Politics siamtha tura thutlukna an siam avanga lawmawm an tih thu an sawi.
Mizoram Synod inkhawmpui thutlukna chuan Mizoram politcs kalphung bawlhlawh tawh zia leh tun ang renga kal zel chuan Mizoram hmabak a thim tur zia a tilang chiang hlea an ngaih thu PC party chuan an sawi.
PC party chuan Zoram mipui ten beiseina sang tak neia ram rorel tura an thlanchhuah thin ten Mizoram hmasawnna leh mipui chawikanna lam aia mahni, chhungkhat laina leh vuahvangte ringawt inhaivurna lam hawia ke an pen thin avangin mipuiin an tuar tih an sawi a. Chhungkua, khawtlang leh kohhranah nghawng thalo tak a hrin chhuah phah thin avangin Mizoram chu chhiatna hrang hrang bawihah a tan phah taa an ngaih thu an sawi.
“Politics tui nù avanga kan ram tluchhe mek tungdinga , siamtha leh tura kohhrante ruahmanna hi hlawhtling taka hlen chhuah a nih theih nan PC party chuan Zoram mipui kan thanharh a tul kan ti takzet a ni” an ti bawk.