Aizawl: Central YMA hruaituten nimin khan Chief Minister Zoramthanga chu a pisaah hmuin kuhva ro tawlh chungchang leh Bangladesh raltlante chungchang an sawipui.
Central YMA hruaitute hian kuhra ro tawlh chungchangah hmalakna chak zawka kalpui a nih theih nan tanlak a tul thu an thlen a. Hemi chungchang sawiho tur hian Ningani khian a kaihhnawih department hrang hrangte nen sawihona hun hmang tura ruahmanna siam a ni.
Hei bakah hian Bangladesh atanga Mizo raltlan lo lutte chungchang an sawipui a, chenna hmun ruahman dan ngaihtuahsak an duh thu an thlen.
LGBTQ chenna tur in sa tura Urban Development & Poverty Alleviation department-in hma a lak mek chungchang central YMA hruaitute hian Zoramthanga chu an sawipui bawk a ni.