Premier League club AFC Bournemouth chuan neitu thar an nei a, American sumdawng Bill Foley leh a thawpuite chuan neitu nihna a pumhlumin an lei.
Foley hi America a ice hockey inelna lian National Hockey League team Vegas Golden Knights neitu a ni a, Bournemouth chairman hi a ni ang.
Bournemouth chuan Foley hian an club in tunhnaia hlawhtlinna a neihte chu a chhunzawm zel theih nan leh hmalam pana a kal zel theih nan hma lak a, hmasawnna tura kawng dap zel a tum ruh hle tih an sawi.
Premier League-ah America sumdawngte an luh belh zel a, May thla khan Chelsea chu Todd Boehly kutah a awm tawh a. Liverpool, Manchester United, Arsenal, Aston Villa, Crystal Palace, Fulham, Leeds, West Ham leh Manchester City neitute zingah pawh America sumdawngte an tel vek a ni.