Punjab leh Haryana-a lo hal chu kum 2016 hnua a tlem ber tum a ni a, kum li chhungin October-November inkara Delhi-a thlai sengna ro hal khu a luh tlem ber tum a ni bawk tih Centre for Science & Environment chuan a sawi.
Union Ministry of Earth Sciences hnuaia air quality forecasting agency, SAFAR atanga data dawnah Delhi-a PM2.5 level sangin boruak a tihbawlhhlawh chu ni 53 chhung niin October 12 atang khan a intan tih an tar lang.
A hma kum thum aiin Delhi-a meikhu a luh hi a tlem zawk a. Kum 2018 khan ni 48 chauh a ni thung a, a bakah chuan ni 56-57 vel a ni thung.
November 3 kha Delhi boruak a tihbawlhhlawh nasat ber ni niin hemi nia tihbawlhhlawhtu zinga 34% chu heng meikhu hi a ni a. Nikum khan lo neitute meikhuin Delhi-a PM 2.5 a tihtam ber hun chu November 7 niin 48% lai a tling.
Centre for Science & Environment (CSE) chuan lo hal khuin Delhi boruak a nghawng dan hi chi hnih lian tak a awm tih an sawi a. An hal nasat dan azir leh khaw awm dana zira khawpuia a chhem luh dan a ni.
Kumin October-November inkar hian lo hal a tam loh hrim hrim bakah hian khaw awm danin a zir a, Delhi-a a khu a len lut nasa lo niin CSE chuan a tar lang.
CSE chuan October-November inkara Delhi-a lo hal khu PM2.5 hi tonne 4.1 a tling tih a sawi a. Nikum khan tonne 6.4 zet niin 37%-in a tlahniam a, kum 2020 (tonne 8) zahve vel chauh a ni bawk.