Manchester United manager Erik ten Hag chuan an defender Harry Maguire chu England tana a khelh anga club tana a khel thei a nih chuan an club chanchin a player ropui zingah a tel theih tur thu a sawi.
Kum 29 mi defender hian August thla hnuah Premier League inkhelah vawikhat chauh bul a la tan a, Brentford laka an mualpho hnuah Raphael Varance chu a nekchhuak thei lo.
England tan erawh rinrawl la ni rengin World Cup quarter-final an luh theih chhan pawimawh zing ami a ni thung.
“Zawhna ka dawng ngun tawh a, inelna sang ber a khel turin a tha tawk tih hi a chiang. England tan khelhchhiat a nei ngai lo tluk a ni a, Manchester-ah chetthat loh lai a nei a ni mai a. Player chungah harsatna hrang hrang a thleng thei bawk.”
“A thawhrim chuan inrintawkna lian a nei zel anga, England-ah a theihna chiang takin a lang. Hei hi Manchester United tan a chhunzawm kan beisei a, team pumin a beisei. A thei a nih chuan player ropui a ni dawn.” tiin Erik ten Hag chuan a sawifiah.