Club nei lova awm mek Cristiano Ronaldo chu Saudi Arabia club Al-Nassr in Euro maktaduai 400 man contract ziahpui an tum chungchangah club maanger Rudi Garcia chu a tawng chhuak.
French amanger chuan, “Eng coach pawhin Cristiano Ronaldo han enkawl hi chu nuam an ti ang. Nikum November-ah khan United ka zawm teuh hle a, kan thawkdun hman teuh hle.”
“John Murtough leh Darren Fletcher nen vawi hnih kan inhmu a, mahse Ralf Rangnick kha interim manager atana lakluh an thlang ta zawk.”
“Player ropuite hi player enkawl harsa lo ber an ni ah ka ngai thin. A chhan chu tawnhriat an neih that bakah an thiamna a san avangin finna an nei tel thin. AS Roma-ah khan Francesco Totti nen kan thawhdunna atangin hei hi ka chiang tawh khawp mai.” a ti.
A bak erawh sawi belh duh lovin, “Cristiano Ronaldo lam min zawh belh dawn chuan tlang takin ka sawi nghal ang. Helam chu ka sawi theih a awm lo. Kan nghak ang. Tunah chuan kan championship khelh tur kan tan leh dawn a, helam bak hi kan ngaihtuah lo.” tiin a sawi.