Band anga kal ho tawpsan lailawk a, solo kawng an zawh tan chiah tihah BTS member Jin chu sipaiah a tang ta a, venhimna nasa tak pek nghal a ni.
Thuneitute chuan sipai training centre-a a awm chhung zawng hian Jin hi venhimna tha tawk tak pek an tum a, hemi atan hian fire department, police leh tualchhung sorkar office te chuan thapui thawhin, mipui zimbuai luih luih laka a him theihna turin theihtawp an chhuah ang.
Report hrang hrang tarlan danin, December 13 khan Jin hi official-in sipaia lakluh a ni a, social media kaltlangin sipaia a luh dan a tarlang a, fan te chu training centre-a awm chhunga amah hmuh tuma kal lo hram turin ngenna a siam.
BTS member Jin hi sipaia lakluh thar midang 200 vel rualin a inziak lut ve a, an awmna hmunah hian sipai chhungte bak luh leh chhuah phal a ni lo.