Tun kartawp Decemeber 16 a tlangzarh tur ‘Avatar: The Way of Water’ chuan tunah hian India pawisaa cheng vaibelchhe 10 vel a lalut der tawh.
Kum sawm pathum khan Aliens, Terminator leh Titani film buaipuitu James Cameron Avatar film hmangin lemchan khawvel a barakhaih thut mai a; storytelling, visual effects, motion technology leh music changkang tak nena thuam a ni bawk a, Avatar khan thawm a nei ring hle a, namen lovin a hit a nih kha.
Tunah hian Avatar 2 an tih bawk chuan lemchan khawvel a rawn luhchilh leh dawn ta a, India ramah pawh tlangzarh hma hauh atangin ticket nuai hnih chhung record tling khawpin hralh chhuah tawh a ni a, pre-sales tiket atang ringawt hian cheng vaibelchhe 10 vel chu tlangzarh hma hauh atangin an lalut fel der.
Avatar 2 production cost hi Rs vaibelchhe 1900 a ni vang mai a, chutih rualin Avatar hmasa zawk hlawhtlinna te, Director James Cameron themthiamna te hian mi a hip khawm luih luih leh dawn tih a chiang reng mai.