Chelsea striker Armando Broja chuan tun season-ah football a khel tawh dawn lova, a khupah tha fei hliam a neih avangin zai a ngai dawn.
Kum 21 mi Broja hi Pathianni khan Aston Villa nen mid-season friendly match an khelh tumin Aston Villa defender Ezri Konsa nen ball an inchuhnaah a inhliam.
Club chuan, “A hliam hi endik a nih hnuah vanduaithlak takin a thafei awm a ti na a, hei hi zai a ngai dawn.”
“Zai a nih hnuah ngai a awh lehna turin club medical department in uluk takin an enkawl zui ang.” tiin an sawi.
Broja hian tun season-ah Premier League game 12 a khel tawh a, heng zinga game 10 hi substitute anga dah luh a ni chungin goal khat a khung tawh. Chelsea-ah hian striker rinrawl thachhangdawltu a ni mek.