Central Training Institute (CTI), Sesawng-ah Excise & Narcotics Department atanga Basic Training Course bei mi 51 (mipa 46 leh hmeichhia panga) chuan nimin khan Passing-Out Parade an nei a. Training chhuakte hi inspector pali, driver pahnih leh constable 45 an ni.
Excise & Narcotics Department Basic Training Passing-Out Parade hi K.T. Beicho, IRAS, Commissioner & Secretary to Govt. of Mizoram, END chu khuallian niin hun a hmanpui a. Training chhuakte chu sorkarin ram leh hnam leh mipui tana hmasawnna a duan policy tihhlawhtlin a nih theihna tura thawk tura beisei an ni a; ruihhlo dona kawnga theihtawpa mipuite leh NGO nen thawhhona tha tak neia thahnem ngai taka thawk tur an nih thu a sawi.
Excise & Narcotics Department Basic training (10th Batch) passing–out parade-ah hian training laia mi mal ti tha heng mi panga – Best Turn-out – Samuel K. Vanlaldika (Constable); Best in Discipline – Ramtharmawia (Constable); Best in Drill – Joseph Ramthanzauva (Constable); Best in Shooting – David Malsawmtluanga (Constable) leh Best All-rounder – Lalhmingtani (Constable) te hnenah hlan an ni.
Training chhuak tate hian an thawhna tur hmun an pan nghal a ni.