NBA champion lai Golden State Warriors tan star player Stephen Curry chu Ningani zinga Indiana Pacers nen an inkhelh tumin a dar a ti na a. Philadelphia-ah nizan khan a dar na hi uluk zawka enfiah a ni ang.
Curry hi 125-119 a an tlawmna inkhelah hian third quarter-ah minute hnih leh second li a la awmin a inhliam a. Jalen Smith ball chhuhsak a tumna lamah a dar hi a ti na.
A dar veilam chu na ti a dawm nghalin Warriors lamin ‘timeout’ an la nghal a. Curry hi court chhunga bawihsawm a nih hnuah hruai chhuah a ni a, a inkhelh chhunzawm tawh lo.
Warriors coach Steve Kerr chuan, “A chanchin hi chiang takin ka la ngaihven hman lova, mahse inkhel zawh khan ka va zawt chiang a. Thil erawh thui tak hriat a la ni lo. Steph hi mi puitling tak, thil thlirdan thiam tak a nih avangin he hliam avang pawh hian a lungawi lutuk lo.” tiin a sawi.
A inhliam hma in Curry hi Warriors in Pacers laka tlawm lova an beihna a hmahruaitu a ni a. Point 38 score in a kheltha hle.
Ball vawi 19 a schoot atang vawi 11 a lut a, heng zinga panga hi 3 points a ni. Kerr chuan, “A kheltha lehpek hle a, a inkhelh chhung khan kan hmahruaitu a ni a, ball semtu a nih bakah point la tu ber a ni.” tiin a fak.
Indianapolis a Gainbridge Fieldhouse a inkhelah hian Warriors tan Jordan Poole chuan point 20 a thawh ve bawk.
Pacers tan Tyrese Haliburton chuan point 29 score in Bennedict Mathurin chuan 24 a thawh a. Warriors in Andrew Wiggins leh Klay Thompson te an chhawr loh zanah hnehna an chang.
Vawi 29 an khelh atanga vawi 15 an chakna a ni a, East lamah pasarihna ni mekin lehlamah Warriors hi vawi 15 an tlawmna a ni ve thung a. West-ah 10-na niin Play-In tournament khelpha tur chin chiahah an awm mek.