Inchei sexy leh mit la taka inlan thin vanga sawi hat hat tling thin Uorfi Javed laka thubuai siam a ni a, Mumbai-a inkhuar lawyer pakhat chuan a khing.
Lawyer Ali Kashif Khan hian Andheri Police Station-ah ramchhunga lar chak tak hi social media leh mipui vantlang hmuh theih turin a inlan thin a, dan kalh mawi leh hmuh atan mawi lo tak a ni tiin, Bigg Boss contestant hlui lakah khinna thubuai a barh lut.
Uorfi a lawm lova, thinrim tak chungin instagram-ah, “Ka laka thubuai siam hi engzat a tam nge la awm zel ang maw.. Wow.. Tlang hriata min pawngsual tumtute au hla leh an thusawi te laka ngawih chuh tlat si leh hre lo der tlat bawk te hi an mak leh angreng lawi a! Ka incheina vang hian problem in neih laiin, thah leh pawngsual min vautute lakah problem in nei leh der bawk si lo,” a ti.