Mercedes Formula 1 team chuan German driver Mick Schumacher chu season thar a an reserve driver ni turin an lalut.
World champion vawi sarih ni tawh Michael Schumacher fapa Mick hi Haas F1 team chuan season tharah an thlak dawn a, a aia veteran Nico Hulkenberg an lalut.
Mercedes-ah hian season tluan a an car tihhmasawnna tura hnathawh ngaite leh enchhinaahte hman a ni dawn a, Lewis Hamilton leh George Russell te engemaw vanga an intlansiak thei dawn lo a nih chuan an aiah a inlan bawk ang.
Mercedes team principal Toto Wolff chuan, “Mick hi driver naupang, talent nei tha tak a ni a. Kan team-ah a lo tel hi kan lawm hle.”
“Mi thawkrim tak, chiai mai mai lo leh uluk taka thil ti thin a ni. Hmasawn leh inzir duh mi a ni a, hengte hi kan ngai pawimawh hle.” a ti.