PSV director of football Marcel Brands chuan an forward Cody Gakpo chu January-ah an hralh mai thei tih a sawi a, mahse an club chanchin a player manto ber ni tur chauhin an chhuahtir dawn tih a sawi.
Kum 23 mi winger hi tun season-ah club tan a chetthat bakah World Cup-ah Netherlands tan a khelh that em avangin ngaihven a hlawh hle a. Brands hian November thla khan January-ah Gakpo hi an chhuahtir dawn lo tih sawi tawh mahse sum tam tak nena dawrtu an neih chuan a insawn theih tur thu a sawi.
“Thil a nihna anga kan thlir tel ve a ngai, Cody Gakpo man atana kan beisei hi Europe-ah club 12 velin an pe thei ang. A zat chiang tak engmah kan la sawi lova, mahse tih tak zeta club an lo pen chhuak a nih a, amah a kal duh a nih chuan hmalam kan pan tlang thei ang.” tiin a sawi.
Gakpo hi tunah league top scorer niin goal 9 a khung tawh.