Aizawl: Serkhan to Bagha road siamna sum tihchingpen thubuaia court-in thiam loh a chantir, PWD Engineer-in-Chief hlui pahnih, Liansanga leh Lianchungnunga te chu jail tang tur leh pawisa chawi tura hrem an ni.
Aizawl District Court-a, Prevention of Corruption Act Special Judge Dr HTC Lalrinchhana chuan Serkhan to Bagha road siamna sum eiruk thubuaia thiam loh a chantir tawhte hremna chu nimin khan a puang a, PWD E-in-C hlui, Liansanga chu kum nga chhung táng tur leh Rs 40,00,000 chawi turin court-in a hrem a. E-in-C hlui dang, Lianchungnunga pawh kum li tang tur leh Rs 20,00,000 chawi turin a hrem.
Court-in hremna tur a puan lai hian E-in-C hlui pahnihte hi court lock up-ah dah an ni a, district court-in bail a pek theih loh avangin nimin khan jail-ah dah luh leh nghal an ni a, an ukil-ten high court-ah kalpui zel zel an tum a ni.